Shtyhet seanca ndaj Jeton Sylajt, caktohet data e re

Gjykata Themelore në Pejë ka shtyrë seancën e shqyrtimit fillestar ndaj të pandehurit Jeton Sylaj, ish-bashkëshortit të së ndjerës Arlinda Zekaj, i cili akuzohet për veprën penale “Kanosja”.

Seanca ishte caktuar të mbahej të enjten, më 12 nëntor, në orën 11:00, në Departamentin e Përgjithshëm të kësaj gjykate.

Sipas njoftimit të Gjykatës, shtyrja është bërë me kërkesë të avokatit Besnik Berisha, përfaqësues i autorizuar i palës së dëmtuar Arlinda Zekaj, i cili kishte njoftuar se nuk mund të merrte pjesë në seancë.

Gjykata ka bërë të ditur se, pas shqyrtimit të kërkesës dhe marrjes së mendimeve të palëve të pranishme, e ka aprovuar kërkesën për shtyrjen e seancës.

Seanca e radhës është caktuar për 24 nëntor 2026, në orën 13:00. /Zëri