Një shtetase e huaj gjendet e vdekur në Pejë

Një femër, shtetase e huaj, është gjetur pa shenja jete në shtëpinë e saj në Pejë.

Sipas raportit 24-orësh të Policisë, rasti është raportuar rreth orës 08:20, ndërsa në vendin e ngjarjes kanë dalë menjëherë njësitë policore dhe ekipi mjekësor, të cilët kanë konstatuar vdekjen e saj.

Me urdhër të prokurorit, trupi i pajetë është dërguar në Institutin e Mjekësisë Ligjore për obduksion, me qëllim të përcaktimit të shkaqeve të vdekjes.

Rasti po vazhdon të hetohet nga organet kompetente. /Zëri