Djali godet me sëpatë babain e tij në Gjilan, dërgohet në QKUK

Nga Spitali Rajonal është pranuar informata se një person është sjellë me urgjencë për shkak të lëndimeve të pësuara nga goditja me sëpatë, të dyshuara se i janë shkaktuar nga djali i tij i mitur.

Sipas njoftimit të Policisë së Kosovës, ngjarja ka ndodhur gjatë ditës së djeshme rreth orës 19:30 në Gjilan, raporton Zeri.info.

“Viktima, pas ekzaminimeve mjekësore, për shkak të gjendjes së rëndë është transportuar në QKUK për trajtim të mëtejshëm. Në vendin e ngjarjes kanë dalë njësitet policore dhe përfaqësuesi i QPS-së, i cili është marrë me personin e mitur. Punëtori social ka realizuar vlerësimin fillestar të fëmijës, ku është konstatuar nevoja emergjente për strehimin e tij për shkak të gjendjes së rënduar psikologjike dhe situatës traumatike të shkaktuar nga ngjarja. Rasti është duke u hetuar”, thuhet në njoftimin e PK-së. /Zëri