Gjendet i gjallë adoleshenti që ishte zhdukur prej gjashtë ditësh në Australi, ribashkohet me nënën e tij
Bota
November 13, 2026 - 16:39
Një lajm i mirë vjen nga Australia, ku një 17-vjeçar, i cili ishte zhdukur prej gjashtë ditësh në një zonë pyjore, është gjetur shëndoshë e mirë dhe është ribashkuar me nënën e tij.
Policia australiane konfirmoi se adoleshenti u gjet pas disa ditësh kërkimesh intensive, duke bërë të ditur se ai është në gjendje të mirë shëndetësore, transmeton klankosova.tv
Sipas mediave lokale, 17-vjeçari William, mbiemri i të cilit nuk është bërë publik, ishte zhdukur më 6 nëntor, teksa po qëndronte në kamping me një mik në Walhalla East.
Sipas Reuters, pas gjashtë ditësh kërkimesh, përpjekjet për gjetjen e tij përfunduan me sukses, ndërsa momenti i ribashkimit me nënën e tij solli lehtësim pas ditëve të ankthit dhe pasigurisë.
