Policia do të vazhdojë kontrollin në ish-shtëpinë e Andrewit, pas lirimit të tij prej 11 orësh

Ish-princi Andrew është fotografuar duke dalë nga stacioni i policisë pas arrestimit të tij mëngjesin e sotëm, 19 shkurt, i dyshuar për keqpërdorim të detyrës publike.

Thames Valley Police njofton se ai do hetohet në gjendje të lirë, pasi qëndroi në komisariat për rreth 11 orë.

Policia nuk ka dhënë informacione të mëtejshme për momentin, ndërsa po ushtrohen kontrolle në disa prej pronave të Andrew.

Andrew MountbattenëWindsor, ishëprinc britanik dhe vëllai i monarkut Mbretit CharlesëIII, u arrestua nga policia britanike nën dyshimin e keqpërdorimit të detyrës publike, një akuzë tejet serioze.

Policia tha se hetimi lidhet me dyshimet se gjatë viteve kur ai ishte i dërguari tregtar për Britaninë (2001–2011), MountbattenëWindsor mund të ketë shpërndarë dokumente zyrtare e konfidenciale në mënyrë të papërshtatshme, përfshirë raporte dhe informacione për udhëtime zyrtare, te i famshmi Jeffrey Epstein.

Dokumentet e fundit, të publikuara nga Departamenti i Drejtësisë së SHBA-ve, duket se tregojnë se ai ka dërguar raporte të tilla menjëherë pasi i ka marrë.

MountbattenëWindsor ka pasur një lidhje të gjatë dhe shumë të diskutuar me Jeffrey Epstein, një amerikan i dënuar për përdhunim dhe trafikim seksual, çështje që ka ndikuar shumë në imazhin e tij publik dhe karrierën e tij. /abcnews