Coronavirusi mund të ketë filluar në një laborator sekret të qeverisë në Wuhan
Një shkrim nga Uiversiteti i Teknologjisë së Kinës së Jugut, i sponsorizuar nga Pekini, thotë se Qendra për Kontrollin e Sëmundjeve në Wuhan (WHCDC) mund të ketë filluar virusin vdekjeprurës në provincën Hubei, transmeton Daily Mail.
“Origjina e mundshme e coronavirusit 2019-nCoV”, e shkruar nga studiuesit Botao Xiao dhe Lei Xiao pretendon se WHCDC mbajti kafshë të prekura nga sëmundjet në laboratorë, përfshirë 605 lakuriqë.
Përmend gjithashtu se lakuriqët – të cilat lidhen me coronavirusin – dikur sulmuan një studiues dhe ‘gjaku i lakuriqit ishte në lëkurën e tij’.
Sipas raportit sekuencat e gjenomit nga pacientët ishin 96% ose 89% identikë me coronavirusin e lakuriqit CoV ZC45 që fillimisht gjendej në Rhinolophus affinis.
Ai përshkruan se si të vetmit lakuriqë vendas gjenden rreth 1.000 kilometra larg nga tregu i ushqimeve të detit Wuhan dhe se probabiliteti i lakuriqëve që fluturonin nga provincat Yunnan dhe Zhejiang ishte minimale.
Për më tepër, ka pak për të sugjeruar që popullsia vendase të hante lakuriqët siç dëshmohet nga dëshmitë e 31 banorëve dhe 28 vizitorëve
Në vend të kësaj, autorët tregojnë për hulumtimin që po kryhet me disa qindra metra në WHCDC.
Raporti përfundon se ‘coronavirusi vrasës ndoshta ka origjinën nga një laborator në Wuhan’.
Ky raport vjen kur shpërthimi ka infektuar më shumë se 69,000 njerëz në botë, me 1.669 vdekje në Kinë – shumica e këtyre në provincën qendrore të Hubei.