MASH-i obligon prindërit kthimin e librave – nëse dëmtohen, duhet t’i kompensojnë

Librat që nxënësit i mbajnë para vetes, duhet t’i kthejnë pa i dëmtuar në fund të vitit shkollor.

Kështu ka vendosur Ministria e Arsimit me një Udhëzim Administrativ, e njoftimin për këtë ua nisi edhe shkollave si urë lidhëse mes tyre e prindërve.

Kthimi i librave iu kërkua edhe dikujt që paratë për blerjen e tyre nuk i dolën asnjëherë.Por, kjo metodë e dorëzimit të teksteve shkollore nuk është për herë të parë në Shkollën e Gjelbër në kryeqytet.

Sipas MASh-it, librat e dëmtuar, prindërit e kanë përgjegjësi t’i kompensojnë nga xhepat e tyre.

Por, këtë po e kundërshtojnë fuqishëm të njëjtit.

Sipas arsyetimit të Ministrisë, ky vendim është marrë me qëllim të ndalimit të keqpërdorimit, meqë pas përfundimit të mësimit, sipas tyre, librat shiteshin në tregun e zi dhe më lirë./klankosova