Terras: Kosova duhet ta kthejë stabilitetin në reforma dhe rritje ekonomike

Raportuesi i Parlamentit Evropian për Kosovën, Riho Terras, ka reaguar pas zgjedhjes së presidentes së re, Justina Shiroka-Pula.

Ai ka thënë se stabiliteti institucional duhet të sjellë reforma dhe rritje ekonomike.

Terras në një postim në rrjetin X, ka thënë se qytetarët e Kosovës e mbështesin fuqimisht anëtarësimin në BE.

“Si raportues për Kosovën, do ta intensifikoj bashkëpunimin me institucionet e saj për të çuar përpara rrugëtimin e vendit drejt BE-së”, ka thënë Terras.