Përfundimtare, 36.88 për qind e qytetarëve votuan sot

Komisioni Qendror i Zgjedhjeve (KQZ), ka publikuar të dhënat e fundit rreth daljes së qytetarëve në vendvotime në vend, shkruan Zeri.info.

Sipas këtyre të dhënave, nga gjithsej 1 milion e 959 mijë e 692 votues, vetëm 722 mijë e 868 persona apo 36.88 për qind e qytetarëve kanë votuar në zgjedhjet e së dielës.

Krahasuar me dhjetorin e vitit të kaluar dalja e qytetarëve në këto zgjedhje është më e ulët, pasi që më 28 dhjetor në zgjedhje kishin dal 44.99 për qind.

KQZ-ja thekson se këto janë të dhëna vetëm nga vendvotimet e rregullta dhe në këto të dhëna nuk përfshihen vendvotimet me kusht, votimi i personave me nevoja të veçanta dhe votimi jashtë Kosovës. /Zëri