Kurti pas telefonatës me Macronin: Besojmë që Franca do ta mbështetë Kosovën në KiE pa parakushte

Kryeministri i Republikës, Albin Kurti, ka thënë se në bisedën e sotme telefonike me presidentin francez, Emanuel Macron ka shprehur besimin që Franca do ta mbështetë anëtarësim e Kosovës në Këshillin e Evropës, pa parakushte të mëtejme.

“Në një telefonatë me presidentin Macron, e falënderova për mbështetjen e palëkundur të Francës për Kosovën dhe shpreha besimin tonë se Franca do të mbështesë Kosovën në Këshillin e Evropës, pa parakushte të mëtejshme, në përputhje me opinionin e Asamblesë së Këshillit të Evropës dhe votën historike. Gjithashtu insistova në respektimin dhe zbatimin e plotë të marrëveshjes bazë”, shkroi Kurti në platformën X.

Ndërkohë, më herët në një komunikatë nga pallati presidencial i Francës, kanë theksuar se Macroni ka nënvizuar rëndësinë që Franca i kushton progresit të shpejtë dhe të pakthyeshëm të zbatimit nga autoritetet kosovare të Asociacionit të komunave me shumicë serbe, edhe në kontekstin e aplikimit të Kosovës për anëtarësim në Këshillin e Evropës.

In a call w/ Pres. Macron, I thanked him for ë's unwavering support for ë & expressed our trust that ë would back ë's @coe bid without further preconditions, in line w/ @PACE_News opinion & historic vote. Also insisted on full respect for & implementation of the Basic Agrmt.

— Albin Kurti (@albinkurti) April 23, 2024