Sveçla takon homologun italian: Të gatshëm për zgjerimin e bashkëpunimit në fushën e sigurisë

Ministri i Punëve të Brendshme Xhelal Sveçla ka pasur një takim i frytshëm me homologun nga Italia, Matteo Piantedosi.

Përmes një shënimi në Facebook Sveçla, ka dhënë detaje në lidhje me këtë takim.

“Diskutuam për situatën e përgjithshme të sigurisë, për bashkëpunimin që gëzojnë dy ministritë tona dhe për gatishmërinë për zgjerim të këtij bashkëpunimi”.

Ai thotë se falënderoi ministrin Piantedosi për mbështetjen e vazhdueshme të Italisë si aleat në ngritjen dhe fuqizimin e institucioneve të Kosovës.

“U pajtuam që të konkretizojmë dhe më shumë bashkëpunimin përmes takimeve dhe vizitave të ndërsjella”, ka shkruar Sveçla.