SHBA-ja kërkon zbatimin e plotë të të gjitha marrëveshjeve të arritura mes Kosovës dhe Serbisë

Nënsekretarja amerikane, Elizabeth Allen e cila po qëndron për vizitë në Kosovë, ka zhvilluar një takim edhe me kryeministrin Albin Kurti.

Pas takimit në një postim në “X”, Allen u shpreh se pati një diskutim gjithëpërfshirës me kryeministrin Kurti.

Ajo u shpreh se Kosova i takon BE-së dhe në NATO-s.

“Mirënjohje për diskutimin e dobishëm me Kryeministrin e Kosovës, Albin Kurti. Kosova i takon BE-së dhe NATO-s”, tha Allen.

Nënsekretarja amerikane përmendi edhe dialogun mes Kosovës dhe Serbisë, ku kërkoi zbatimin e të gjitha marrëveshjeve të arritura mes të dyja palëve.

“Ne kërkojmë zbatimin e plotë të të gjitha marrëveshjeve që Kosova dhe Serbia kanë bërë në kuadër të Dialogut të lehtësuar nga BE-ja”, shkroi Allen.

Allen para takimit me Kurtin është takuar me presidenten Vjosa Osmani, ku kanë nënshkruar një marrëveshje mirëkuptimi kundër manipulimit të informacionit nga jashtë.

Appreciated the insightful discussion with Kosovan Prime Minister @AlbinKurti. Kosovo belongs in the EU and in NATO. We look for full implementation of all agreements Kosovo and Serbia have made under the EU-facilitated Dialogue. pic.twitter.com/gfHr0RQvh5

— Liz Allen (@UnderSecPD) May 19, 2024