Lajçak reagon pas vendimit të qeverisë Kurti për reciprocitet me Serbinë
I dërguari i Posaçëm i Bashkimit Evropian për bisedimet Kosovë – Serbi, Miroslav Lajçak ka reaguar pas vendimit të Qeverisë së Kosovës për masa të reja të reciprocitetit me Serbinë.
Lajçak është shprehur i zhgënjyer pas vendimit, duke thënë se veprime të tilla pengojnë rifillimin e dialogut, duke kërkuar që këto masa të lragohen menjëherë.
“I zhgënjyer për masat e reja të reciprocitetit, të vendosura nga qeveria në detyrë e Kosovës. Veprime të tilla të njëanshme e minojnë rifillimin e dialogut dhe duhet të largohen menjëherë. Siç është thënë vazhdimisht, ne presim që të dyja palët në dialog t’i zbatojnë dhe t’i respektojnë marrëveshjet e kaluara”, ka shkruar Lajçak në Twitter, transmeton Zeri.info.
Disappointed about new reciprocity measures introduced by care-taker government of Kosovo.Such unilateral actions undermine the Dialogue-resumption & should be removed immediately. As consistently said, we expect both parties to the Dialogue to implement & respect past agreements
— Miroslav Lajëák (@MiroslavLajcak) May 31, 2020
Ndryshe, në vendimin e Qeverisë së Kosovës, për reciprocitet me Serbinë, thuhet se asnjë maune nuk mund të hyjë në Kosovë nëse në certifikatat e tyre nuk figuron: Republika e Kosovës./Zëri