Deputeti i NISMA-s që nënshkroi: Na mashtruan, kërkuan nënshkrimin për debat jo shfuqizim të Speciales
Milaim Zeka ka vazhduar të sqarojë nismën e PDK-së për të rrëzuar Gjykatën Speciale duke thënë se iniciuesit i mashtruan deputetët.
Ka thënë se fillimisht ishte thënë se nënshkrimet e deputetëve po merren për të diskutuar peticionin për Gjykatën Speciale pastaj të njëjtat nënshkrimet janë përdorur për të kërkuar shfuqizimin e Gjykatës.
LEXO EDHE: Deputeti që nënshkroi pro shfuqizimit të Speciales: S’e kemi ditë çfarë po bëjmë!
Zeka, i cili ka dhënë nënshkrimin në nismën e PDK’së, ka thënë se disa liderë të Kosovës e kanë vënë interesin personal para atij shtetëror.
LEXO EDHE: Ky është ligji që do ta shfuqizojë Gjykatën Speciale! (DOKUMENT)
Postimi i plotë i Milaim Zekës:
Hilja me peticionin dhe nenshkrimet e deputeteve
Te gjithe e dine sponzorin kryesor te disa veteraneve, qe tubuan nenshkrime per te futur ne ligjin e Gjykates Speciale "hetimin dhe ndjekjen edhe te serbeve qe kane kryer krime ne Kosove"! Keshtu ka qene ne fillim. Duke sjellur peticionin ne Kuvend, sponzori kishte ndryshuar qellimin e peticionit.
Hileja e dyte ndodhi ne Kuvend. Mashtrimi i deputeteve me nenshkrime. Na kerkuan nenshkrimet, pa asnje shkrese tjeter, perpos nenshkrimet. Menduam se do te debatonim rreth peticionit, asgje ma shume. Tek kur u futem ne sallen e Kuvendit po degjonim historine trishtuese, per gjera te jashtezakonshme. Nenshkrimet ishin mbledhur me hile, dhe per qellime krejte tjera.
Kur e pashe ambasadorin amerikan, dhe ate britanez, atehere po e kuptoja lojen e dikujte per ta goditur pamvaresine e Kosoves, pastaj edhe miqesine me perendimin.
Mbrame jam bindur per te fundit here: Ne trurin e lidershipit kosovar nuk ekziston interesi nacional. Nuk ekziston koncepti i shtetendertimit, po shtetshkaterrimit.
I mjere ky popull. Mjere femijet tane se ku po jetojne.
Çka me thane ma shume, perpos: Kuku per ne!!!
