Futbollistët e Francës nuk pajtohen mes vete, Deschamps përdor VAR-in në stërvitje
Gjatë seancës stërvitore të Kombëtares së Francës, trajneri i skuadrës, Didier Deschamps, u detyrua ta përdorte Video Assistant Referee (VAR), pasi që fillimisht kishte harruar ta llogariste golin e shënuar nga Kylian Mbappe.
Një nga pjesët e stërvitjeve të ekipeve të futbollit është edhe ajo kur skuadra ndahet në dy pjesë dhe pastaj ata ndeshen me njëri-tjetrin. Përkundër që kjo është vetëm një stërvitje, lojtarët dhe trajneri i Francës e morën atë shumë seriozisht, transmeton Gazeta Express.
Futbollistët e “Les Blues” nuk arrinin të pajtoheshin për rezultatin e kësaj ndeshje, pasi që ekipi në të cilin ishte edhe Mbappe pretendonte se trajneri e kishte harruar golin e shënuar nga 20-vjeçari.
Ata u grumbulluan rreth Deschamps, të cilin tentonin ta bindnin se kishte harruar ta llogariste njërin nga golat e shënuar, për këtë arsye rezultati i tij pretendohej se ishte i pasaktë.
Për ta sqaruar këtë edhe më shumë, Deschamps bën shenjë se do të konsultohet me VAR-in dhe drejtohet te kamerat rreth kampit stërvitor. Pasi kthehet, ai bën me dorë se goli ishte shënuar dhe lojtarët dhe ai fillojnë të qeshin.
Une opposition très discutée aujourd'hui lors de l'entraînement des Bleus ë#LateFC ë pic.twitter.com/akF1xqn6Cq
— Late Football Club (@LateFootClub) November 13, 2018