Suspendohet gjyqtari që shkelmoi futbollistin e Nantes
Sport
January 15, 2018 - 16:55
Tony Chapron është suspenduar nga Federata e Gjyqtarëve të Francës, pas goditjes dhe përjashtimit me të kuq të futbollistit Diego Carlos
Federata e Gjyqtarëve të Francës ka suspenduar gjyqtarin Tony Chapron, i cili ishte caktuar për ndeshjen e së mërkurës ndaj Angers dhe Troyes.
Chapron gjatë ndeshjes Nantes – PSG shqelmoi dhe përjashtoi nga loja mbrojtësin Diego Carlos, ani pse pa të drejtë.
“Tony Chapron, i cili ishte përzgjedhur për të drejtuar ndeshjen Angers – Troyes është pezulluar deri në njoftimin tonë të ardhshëm”, thuhet në njoftimin zyrtar.
Gjyqtari pas ndeshjes së mbrëmshme e kishte kuptuar se ka gabuar dhe ka kërkuar falje për sjelljen e tij. /Express/