Haradinaj dënon vrasjen e dyfishtë në Gjakovë
Kreu i ekzekutivit, Ramush Haradinaj, ka reaguar pas vrasjes së dyfishtë që ndodhi në Brekoc të Gjakovës, vrasje kjo e cila tronditi tërë Kosovën, shkruan “Zeri.info”.
LEXO EDHE: Vrasja e dyfishtë në Gjakovë, reagon ministri Tahiri
Përmes një postimi në profilin e tij zyrtar në rrjetin social “Facebook”, Haradinaj ka dënuar këtë vrase, duke thënë se përgjegjësit e këtij akti duhet të marrin përgjigjen e duhur nga drejtësia, përcjell më tutje “Zeri.info”.
Postimi i plotë i Haradinajt pa ndërhyrje:
Privimi i jetës së dikuj është veprimi më jo njerëzor dhe më i papranueshëm.
Si Kryeministër i vendit, e dënoj fuqishëm vrasjen e nënës dhe vajzës së saj në Brekoc të Gjakovës.
Përgjegjësit e këtij akti duhet të marrin përgjigjen e duhur nga drejtësia.
Kosova është një vend i barabart për të gjithë dhe veprime të tilla na godasin të gjithëve, pa dallim gjinie!