Policia deklarohet për vrasjen e dyfishtë në Malishevë
Me datë 09.03.2018 në ora 01:10 stacioni policor në Malishevë ka marr informatë për një rast plagosje me armë zjarri në fshatin Plloqicë.
Policia përmes një komunikate për media njofton se patrullat policore menjëherë kanë dal në vendin e ngjarjes dhe kanë konfirmuar se dy persona (vëllezër) në rrethana ende të pasqaruara janë plagosur me armë zjarri në afërsi të shtëpisë së tyre.
LEXO EDHE: Vriten dy persona në Malishevë
Gazeta Express ka raportuar lidhur me këtë vrasje dhe ka mësuar se njëri nga vëllezërit ishte pjesëtar i FSK’së.
Të plagosurit fillimisht janë dërguar në QKMF-Malishevë ku është konstatuar vdekja e njërit nga viktimat ndërsa viktima e dytë ka ndërruar jetë gjatë rrugës për në QKUK.
LEXO EDHE: Personat e vrarë në Malishevë ishin vëllezër
Policia i jep incialet e viktimave:
Sh.M, kosovar/ shqiptar, lindur me 1973
B,M, kosovar/ shqiptar, lindur me 1984
Express ka kuptuar nga burimet se emrat e viktimave janë Shani Maloku dhe Bahri Maloku.
“Të gjitha njësitë relevante policore përfshirë edhe prokurorin e shtetit kanë dal në vendin e ngjarjes dhe janë duke ndërmarr të gjitha masat e nevojshme policore për identifikimin dhe arrestimin e kryesve të mundshëm të veprës penale”, thuhet në komunikatën e policisë së Kosovës.
Lidhur me motivet e mundshme të këtij akti kriminal deri më tani ato janë të panjohura.