Deputetja e VV-së për aktivisten e vdekur: Na trishtove me largimin tënd
Deputetja nga radhët e Lëvizjes Vetëvendosje, Arbërie Nagavci ka bërë të ditur se aktivistja e kësaj partie, Nita Rexha është larguar nga jeta.
LEXO EDHE: Në moshën 24-vjeçare, vdes aktivistja e ‘Vetëvendosjes’
Nagavci ka shkruar disa fjalë prekëse, teksa ka shpalosur karakterin e Nitës 24 vjeçare, duke e përshkruar atë si një vajzë me energji pozitive.
Ky është shkrimi i plotë i deputetes Nagavci:
“E ëmbla jonë Nita Rexha,
Na trondite e trishtove pamasë me largimin tënd të hershëm nga kjo botë!
E dashur, vetëm fizikisht nuk do të jesh me ne,
Do të mbetesh gjithnjë në kujtimet tona më të bukura, secili aktivist do të kujtojë buzëqeshjen, çiltërsinë dhe energjinë tënde pozitive!
Gjakova sot ndan dhimbjen me familjen, miqt e shoqërinë, ishe e të gjithë neve!
Pusho në paqe, e mira Nitë”, ka shkruar Nagavci.
