“Prekjet e fundit, gjithçka gati për nesër”, Shkëndija është gati për përballjen me Sileksin
Shkëndija e Tetovës i ka përfunduar përgatitjet për ndeshjen e radhës në kampionat, ku nesër do të përballet me Sileksin.
Kampionët në fuqi e kanë zhvilluar seancën e fundit stërvitore, duke konfirmuar se gjithçka është gati për sfidën e radhës.
Përmes një postimi në rrjetet sociale, klubi tetovar ka publikuar fotografi nga stërvitja e fundit, me mesazhin: “Prekjet e fundit, gjithçka gati për nesër”.
Një sinjal i qartë se skuadra është e përqendruar maksimalisht te dueli me Sileksin.
Shkëndija synon ta marrë një rezultat pozitiv dhe të vazhdojë garën për objektivat e saj në kampionat.
Përballja e nesërme pritet të jetë një tjetër test i rëndësishëm për skuadrën tetovare, e cila kërkon të tregojë forcën dhe ambiciet e saj deri në fund të sezonit. /Zëri