Me një lojtar më pak, Kosova në disavantazh nga Irlanda pas pjesës së parë

Me një lojtar më pak, Kosova në disavantazh nga Irlanda pas pjesës së parë

Sport November 17, 2026 - 21:42

Ka përfunduar pjesa e parë, në ndeshjen mes Irlandës dhe Kosovës.

Kombëtarja vendase po fiton 1-0, me ndeshjen që po luhet në kuadër të xhiros së gjashtë dhe të fundit të Ligës B në Ligën e Kombeve.

Irlanda shënoi nga pika e bardhë e penalltisë, në minutën e 28-të, nga e cila shënoi Troy Parrott.

Penalltia erdhi pasi Kreshnik Hajrizi luajti me dorë në vijë të golit, duke e parandaluar një gol të sigurt të Irlandës.

Kosova po luante mirë para kartonit të kuq, duke rrezikuar në dy raste.

Së pari rast të mirë pati Lindon Emërllahu, e më pas edhe Vedat Muriqi.

Kosova, me këtë rezultat, ka gjashtë pikë, në vendin e tretë, teksa Irlanda me tetë pikë e zë vendin e dytë në grupin B3. Grupit i kryeson Austria me 11 pikë, e cila po pëson humbje nga Izraeli.