Zyrtare: Një ndryshim te lista e Brazilit, ja kush e zëvendëson të lënduarin në ndeshjen e mbrëmshme

Edersoni do të zëvendësojë mbrojtësin e djathtë të lënduar të Romës, Wesleyn, në skuadrën e Brazilit për Botërorin 2026, ka konfirmuar Federata Braziliane e Futbollit.

Mbrojtësi i Romës, Wesley, është detyruar të humbasë Botërorin pas një lëndimi të pësuar në një ndeshje miqësore kundër Egjiptit të shtunën.

Federata Braziliane njoftoi se rezonanca magnetike tregoi një dëmtim në muskujt aduktorë të kofshës së majtë.

Wesley do të zëvendësohet nga Edersoni, mesfushori i Atalantas, i cili është pranë transferimit te Manchester Unitedi për 45 milionë euro.

Sipas federatës, Edersoni do t’i bashkohet ekipit kombëtar në Shtetet e Bashkuara të hënën.

Brazili, i drejtuar nga trajneri Carlo Ancelotti, është vendosur në Grupin C së bashku me Marokun, Haitin dhe Skocinë.

Brazili do ta nisë Botërorin më 14 qershor kundër Marokut, më 20 qershor kundër Haitit dhe më 25 qershor kundër Skocisë së Scott McTominayt.

Federata braziliane shtoi gjithashtu se Wesley mbetet një pjesë e rëndësishme e grupit dhe do të konsiderohet gjithmonë pjesë e ekipit që synon titullin e gjashtë botëror.