KB Trepça, organizatore e turneut kualifikues të FIBA Europe Cup
Klubi basketbollistik Trepça ka njoftuar se ka fituar të drejtën e organizimit të turneut kualifikues të FIBA Europe Cup, përcjell Zeri.info.
Këtë lajm të madh ishte vetë klubi nga Mitrovica, që e konfirmoi përmes një njoftimi në faqen zyrtare.
Ky turne do të fillojë nga 27 deri më 30 shtator.
Fillimisht më 27 shtator do të luajë Trepça me Gottingenin e Gjermanisë, ndërsa AEK Larnaca e Qipros me skuadrën nga Islanda, Thor Thorlakshofn.
Fituesit e këtyre ndeshjeve më 28 shtator përballen me Sportingun portugez, përkatësisht me Antwerpin belg.
Më 30 shtator është finalja që përcakton se cila skuadër kalon në fazën grupore.
Postimi i plotë nga Trepça:
Evropa në “Minatori”
Një lajm i madh për klubin tonë, qytetin, tifozët dhe basketbollin kosovar në përgjithësi.
E kemi fituar të drejtën e organizimit të turneut kualifikues të FIBA Europe Cup. Pra ekipet evropiane zbarkojnë në “Minatori”.
Prej 27 deri më 30 shtator në palestrën tonë kumbuese, do të luhen ndeshjet e njërit grup kualifikues të FIBA Europe Cup. Fillimisht më 27 shtator ekipi ynë luan me Gottingenin e Gjermanisë, ndërsa AEK Larnaca e Qipros me skuadrën nga Islanda, Thor Thorlakshofn.
Fituesit e këtyre ndeshjeve më 28 shtator përballen me Sportingun portugez, përkatësisht me Antwerpin belg. Më 30 shtator është finalja që përcakton se cila skuadër kalon në fazën grupore.
Është organizim i madh në debutimin tonë në skenën evropiane. Por sfidat na rritin.
Shpresojmë të dëshmohemi si nikoqir shembullor dhe për Trepçën të dëgjohet në shumë vende evropiane.