Arsenal – Liverpool, formacionet e mundshme të ndeshjes kthyese gjysmëfinale të EFL Cup

Arsenali dhe Liverpooli do të ndeshen sot (e enjte) mes vete në ndeshjen e dytë apo kthyese në kuadër të gjysmëfinales së EFL Cup apo e njohur ndryshe si Carabao Cup.

Topçinjtë janë nikoqir të Reds në takimin kthyes të gjysmëfinales së Carabao Cup, takim që pritet të zhvillohet në Emirates me fillim nga ora 20:45.

Ndeshja e parë e zhvilluar në Anfield ka përfunduar pa gola (0-0) dhe të dyja skuadrat kanë shanse të barabarta për ta siguruar kalimin në finale.

Megjithatë, sikurse Mikel Arteta, ashtu edhe Jurgen Klopp do të duhet të bëjnë në këtë ndeshje pa shumë lojtarë, pasi do të kenë mungesa të mëdha.

Te vendasit nga minuta e parë pritet të luajnë Kieran Tierney, Bukayo Saka dhe Alexandre Lacazette, ndërsa te mysafirët Virgil Van Dijk, Jordan Henderson dhe Diogo Jota.

Fituesi i kësaj ndeshje do të takohet në finale me Chelsean, që eliminuan në gjysmëfinale Tottenham Hotspur.

Arsenal: Ramsdale; Tomiyasu, Holding, Gabriel, Tierney; Saka, White, Lokonga, Martinelli; Odegaard; Lacazette; 

Liverpool: Alisson; Alexander-Arnold, Konate, Van Dijk, Robertson; Henderson, Fabinho, Jones; Jota, Firmino, Minamino;