Ibrahimoviqi kritikon publikisht LeBron Jamesin
Zlatan Ibrahimoviq ka kritikuar yllin e basketbollit LeBron Jamesin dhe të tjerët si ai që flasin edhe për politikë, transmeton Zeri.info.
Sulmuesi i Milanit ka thënë dhe se sportistët dhe të tjerët që nuk janë politikanë nuk duhet të përzihen.
“Më pëlqen shumë [LeBroni]. Ai është fenomenal në atë që bën, por nuk më pëlqen kur njerëzit kanë një lloj statusi dhe bëjnë politikë në të njëjtën kohë. Duhet të bëni atë që jeni i mirë të bëni” – tha fillimisht 39 vjeçari për “Disovery Plus”.
“Unë luaj futboll, sepse jam i mirë në futboll. Unë nuk bëj politikë. Nëse do isha një politikan, do bëja politikë. Ky është gabimi i parë i madh që njerëzit bëjnë kur bëhen të famshëm dhe me një status të caktuar” – ka deklaruar sulmuesi me prejardhje boshnjake.
Zlatan Ibrahimovic uppskattar basketspelaren Lebron James men tycker inte att han ska lägga sig i politiken: "Lebron är fenomenal på det han gör, men jag gillar inte när folk med status lägger sig i politik"
— discovery+ sport ë (@dplus_sportSE) February 25, 2021
Lång intervju med Zlatan Ibrahimovic: https://t.co/oXm5gjmhKv pic.twitter.com/J3L82GWLD6
LeBron James ishte një nga kritikuesit më të mëdhenj ndaj ish-Presidentit amerikan, Donald Trumpit, duke folur për padrejtësitë dhe pabarazitë në Amerikë.
Pastaj, LeBron James publikisht kishte shprehur mbështetje për Joe Bidenin. /Zeri.info