Skuadrat kosovare mësojnë kundërshtarët e mundshëm në garat ndërkombëtare
Sport
November 23, 2020 - 17:41
Lajmet e fundit nga sporti
Federata Evropiane e Hendbollit të hënën ka caktuar zonat dhe vazot për shortin e raundit të tretë të Kupës Evropiane, transmeton “Zeri.info”.
Shorti për garën ku paraqiten Besa Famgas e Prishtina tërhiqet të mërkurën nga ora 11:00.
Dy skuadrat tona janë në vazon e dytë të zonës së dytë. Pra nuk mund të përballen mes vete.
“Kundërshtarë të mundshëm të Besa Famgas e Prishtinës janë: CS Minaur Baia Mare (Rumani), AEK (Greqi), RK Borac mtel (Bosnjë-Hercegovinë), Holon Yuvalim (Izrael), Donbas (Ukrainë), Beykoz BLD (Turqi), Masheka (Bjellorusi), Spor Toto (Turqi)”, ka njoftuar FHK.
Ndeshjet e kësaj fazë luhen muajin e ardhshëm. /Zeri.info