Milot Rashica drejt transferimit në Premierligë, zbulohet skuadra ku mund ta vazhdojë karrierën

Milot Rashica drejt transferimit në Premierligë, zbulohet skuadra ku mund ta vazhdojë karrierën

Sport August 12, 2020 - 22:46

Milot Rashica do t'i kushtojë 25 milionë euro Aston Villës për ta transferuar nga Werder Bremeni, gjithnjë sipas mediave në Gjermani.

"Weser Kurier" raporton se RB Leipzig mbetet e interesuar për Rashicën, por që shuma e klauzolës prej 38 milionë eurosh është problematike, shkruan "Zeri.info".

Aston Villa, nga ana tjetër, vazhdon të lidhet me transferimin e yllit nga Kosova.

Spekulimet i ka ndezur edhe një fotografi e mesfushorit Marvelous Nakamba në "Instagram", ku ai shihet me Rashicën gjatë kohës së tyre në Vitesse.

Rashica ka qenë i lidhur edhe me Liverpoolin, derisa trajneri i Aston Villës, Dean Smith kërkon përforcime këtë verë.

Duke parë ndikimin financiar që ka lënë koronavirusi, Werder Bremeni mund ta lirojë paksa çmimin e Rashicës.

Rashica është lënë jashtë miqësores së Werder Bremenit me Eintracht Braunschweig të dielën. /Zeri.info