Gjilani nuk ka të ndalur, vazhdon me fitore, 'viktima' e radhës është Drenica
Pas triumfit ndaj FC Prishtinës në mesjavë (2:1), Gjilani ka vazhduar me fitore në Superligën e Kosovës në futboll.
Skuadra e drejtuar nga Gentjan Mezani është përballur sot me Drenicën në kuadër të javës së 30-të të elitës së futbollit kosovar, raporton "Zeri.info".
Në ndeshjen e zhvilluar në stadiumin e qytetit në Gjilan, vendasit kanë mposhtur Drenicën me rezultat të pastër, 2:0.
Dy golat e fitores, Gjilani i shënoi në pjesën e parë përmes Keita Razakut në minutat '21 dhe '33.
Në pjesën e dytë nuk pati goli, derisa Gjilani mbeti me një lojtar më pak në fushë pas përjashtimit të Armend Halilit në minutën e 73-të.
Me këtë fitore, Gjilani ngritet në vendin e dytë në tabelë me 61 pikë të tubuara pas 30 javësh.
Kurse, Drenica mbetet në vendin e tetë me vetëm 38 pikë të tubuara. /Zeri.info