Gattuso në ditë zie, i ndërron jetë motra në moshën 37-vjeçare
Sport
June 02, 2020 - 13:09
Motra e Gennaro Gattusos ka ndërruar jetë. Francesca ishte shtruar në kujdesin intensiv në Varese në muajin shkurt dhe gjendja e saj shëndetësore ka qenë e rëndë së fundmi.
Gattuso e ka mësuar lajmin tragjik derisa ishte duke drejtuar seancën stërvitore të skuadrës së Napolit, shkruan “Zeri.info”.
Me t’u publikuar lajmi tifozët e Napolit dhe futbolldashësit i kanë shprehur ngushëllime trajnerit italian.
Klubi i parë italian që shprehu ngushëllime për Gattuson ishte Hellas Verona.
“Hellas Verona shpreh ngushëllimet më të përzemërta dhe më të sinqerta ndaj Gennaro Gattusos për vdekjen e motrës së tij Francescas”, thuhet në ngushëllimin e Hellas Veronas. /Zeri.info
