Allegri, i gatshëm për t’iu kthyer punës
Massimiliano Allegri është i gatshëm për t’iu kthyer punës, një vit pas largimit nga Juventusi, transmeton "Zeri.info".
Raportohet se Paris Saint-Germaini e do ish-trajnerin e Juventusit dhe të Milanit.
Italiani ka rimbushur bateritë e tij gjatë vitit të fundit dhe “Gazzetta dello Sport” shkruan se ai është i gatshëm për mundësinë e radhës.
Raportohet se ai do të dëshironte një punë të re në Itali për shkak të familjes së tij, por mund të jetë e vështirë që të gjejë një punë në Serie A që t’ia plotësojë pritjet.
Emri i Allegrit është lidhur me Manchester Untiedin.
“Djajtë e kuq” mund t’i ndajnë rrugët me Ole Gunnar Solskjaerin nëse norvegjezi dështon që të kualifikohet në Ligën e Kampionëve për edicionin e ardhshëm.
“La Stampa” shkruan se italiani mund të jetë edhe zëvendësues i mundshëm i Thomas Tuchelit në Paris Saint-Germain. /Zëri