Ish-presidenti i klubit evropian ndërroi jetë nga koronavirusi, kështu reagon Lorik Cana
Sport
April 01, 2020 - 09:32
Ish-presidenti i Marseillet, Pape Diouf ka ndërruar jetë.
Klubi francez ka zbuluar se 68-vjeçar ka qenë së fundmi i infektuar me COVID-19, i njohur ndryshe si koronavirus, shkruan Zëri.info.
Diouf ka qenë duke u trajtuar në një spital në Senegal, në vendin e tij të lindjes, pas infektimit me këtë virus.
Pas konfirmimit të këtij lajmi ka reaguar edhe kapiteni legjendar i Kombëtares së Shqipërisë, Lorik Cana.
Cana që ka luajtur edhe te Marseille, është shprehur i pikëlluar me vdekjen e Diouf.
"Me pikëllim të madh kemi kuptuar për vdekjen e Pape. Ditë e trishtë për familjen Marseille. I nderuar që kam qenë miku yt, futbollisti dhe kapiteni. Prehu në paqe president", ka shkruar Cana./Zëri.info
