Zyrtare: Publikohet çmimi i biletave për derbin në 'Air Albania Stadium'
Derbi mes Partizanit dhe Tiranës, do të luhet të premtën në orën 19:00, në stadiumin “Air Albania”, dhe klubi i kuq, ka publikuar çmimet e biletave për këtë ndeshje të rëndësishme, duke i dhënë fund pritjes së tifozëve.
Bileta më e lirë për këtë ndeshje do të kushtojë 500 lekë të rinj dhe do të jenë tribunat pas portave, ku pritet të qëndrojnë ultrasit e dy skuadrave.
Ndërkaq bileta më e shtrenjtë do të kushtojë plot 5000 lekë të rinj, dhe do të jetë ajo e tribunës Vip Gold.
Nga ana tjetër biletet te tribunat ballore të stadiumit do të kushtojnë 1500 lekë.
Për shkaqe sigurie një prej tribunave të flamurit të këndit pritet të jetë e mbyllur.
Postimi i klubit:
“INFORMACION për ÇMIMET E BILETAVE
FK PARTIZANI – KF TIRANA
E PREMTE 13 DHJETOR ORA 19:00 “AIR ALBANIA STADIUM”
Ju njoftojmë se për këtë takim çmimet e biletave në Tribunat respektive të “Air Albania Stadium” do te jenë:
Biletat në Tribunat Qëndrore:
Sektori: VIP GOLD Ë104 do të kushtojnë 5 000 Lek (të reja)
Sektorët: Ë103, Ë105 do të kushtojnë 4 000 Lek (të reja)
Sektorët: Ë101 , Ë102, Ë106 do të kushtojnë 3 000 Lek (të reja)
Biletat në Tribunën përballë:
Sektorët: E103,E104,E105,E106,E107, E204,E205,E206, E207,E208 do të kushtojnë 1 500 Lek (të reja)
Sektorët: E201,E202,E203,E101,E102,E108 do të kushtojnë 1 000 Lek (të reja)
Sektorët: Nga N201 deri N207 dhe N101 deri N106 do të kushtojnë 500 Lek (të reja)
Sektorët:S102,S103,S104,S203,S204,S205,V101,V102V103,V201,V202 do të kushtojnë 500 Lek (të reja)
Biletat do të mund ti siguroni duke filluar nga dita e sotme e në vazhdim ora 10:00 deri 19:00 pranë pikës së shitjes, në stadiumin “Selman Stërmasi”.
Gjithashtu Biletat mund ti gjeni pranë dyqanit zyrtar të FSHF “Macron”, pranë Ambasadës Amerikane, si edhe pranë dyqanit “Joma” Sponsori Teknik i skuadrës, i pozicionuar pranë Godinës “ETC” te Rruga e Elbasanit”./Panorama
