Liverpooli e Napoli kalojnë tutje në Champions
Liverpooli dhe Napoli e kanë siguruar kualifikimin në fazën nokaut të Ligës së Kampionëve pas fitoreve të sotme ndaj Salzburgut, përkatësisht Genkut, shkruan zeri.info
Liverpooli triumfoi 2:0 në udhëtim te Salzburgu, duke e mbyllur grupin E në vendin e parë.
Naby Keita shënoi golin e parë për anglezët në minutën e 58-të, kurse epërsia u dyfishua nga Mohamed Salah (59’) vetëm një minutë më vonë.
Me këtë fitore, Liverpooli pas gjashtë ndeshjeve ka grumbulluar 13 pikë dhe zë vendin e parë në grupin E.
Ndërkohë, Napoli fitoi me shifrat 4:0 në shtëpi ndaj Genkut.
Arkadiusz Milik (2’, 26’, 38’) shënoi het-trik për vendasit, kurse goli i katërt u realizua nga Dries Mertens, i cili realizoi nga penalltia në minutën e 75-të.
Napoli kualifikohet tutje nga pozita e dytë në grup me 12 pikë./Zëri
