E ndaloi për mrekulli Balotellin, Rrahmani me një reagim interesant në rrjetet sociale
Sport
November 03, 2019 - 20:55
Detajet
Hellas Verona ka arritur ta mposhtë Brescian në ndeshjen e javës së 11-të në Serie A.
Në ndeshjen e zhvilluar në 'Mercantonio Bentegodi', vendasit fituan me rezultat të ngushtë 2:1, raporton Zëri.info.
Eddie Salcedo dhe Matteo Pessina shënuan golat e fitores për Veronën, derisa Mario Balotelli shënoi për mysafirët.
Në ndeshjen e sotme, 90 minuta luajti kapiteni i Kosovës Amir Rrahmani i cili pas përfundimit u vlerësua me notën 6.4 për paraqitjen e sotme.
Pas ndeshjes së sotme, Rrahmani përmes një postimi në rrjetet sociale është shprehur tejet i lumtur me tre-pikëshin e radhës.
"Një tjetër fitore.. për ata që besuan te ne", ka shkruar Rrahmani në 'Instagram'./Zëri.info
