Cristiano Ronaldo dhe Michael Jordan: Kemi bërë historinë
Dy ikonat e botës së sportit, Cristiano Ronaldo dhe Michael Jordan, kanë rikujtuar edhe një herë se ata janë dy njerëz që kanë bërë historinë.
Lojtari i Juventus i cili padyshim është një prej lojtarëve më të mirë në historinë e futbollit, me pesë ‘Topa të Artë’ të fituar, ka postuar një fotografi me legjendën e basketbollit, Jordan.
Jordan i cili me skuadrën e Chicago ka bërë historinë në NBA, dhe ka një rekord prej 6:0 në finalet e NBA, është takuar me yllin portugez të futbollit gjatë së dielës.
Ronaldo është kujdesur që në Instagram të postojë një foto me ikonën e basketbollit, dhe në këtë fotografi ka lënë një mbishkrim interesant.
“Ne kemi bërë historinë” shkruhet në fotografinë ku shihen CR7 dhe MJ.
Më poshtë lajmi.net ua përcjell edhe postimin e Ronaldos në Instagram, ku mund ta shihni fotografinë e dy legjendave.
