Formacioni i javës në Bundesliga, Rashicën e 'tradhëton' dost
Në fundjavë, është zhvilluar java e 22-të e kampionatit elitar gjerman, Bundesliga.
Pas fitores së Bayern Munich ndaj Augsburg të premten me rezultat, 3:2 dhe barazimit pa gola mes Nurnberg dhe Borussia Dortmund, gara për titull është ri-hapur.
Tashmë, diferenca e pikëve mes liderit, Dortmundit dhe bavarezëve është ngushtuar në vetëm tri pikë, shkruan Zëri.
Në fitoren e Bayern Munich të premten, shkëlqeu Kingsley Coman, i cili shënoi dy gola dhe tani sulmuesi francez është përzgjedhur në mesin e më të mirëve të kësaj xhiro në Bundesliga.
Vëmendje të madhe në këtë xhiro mori edhe Claudio Pizzarro.
Veterani me t’u inkuadruar në ndeshjen, Hertha – Werder Bremen, shënoi golin e barazimit (1:1) dhe për ta shkruar historinë duke u bërë golashënuesi më i vjetër në Bundesliga si 40-vjeçar e 136 ditë.
Dhe natyrisht se një vend për të ka qenë i rezervuar në formacionin e javës.
Vlen të përmendet se edhe Milot Rashica luajti nga minuta e parë kundër Herthës, por pa bërë ndonjë impakt të rëndësishëm./Zëri/