Drita pa problem ndaj Minatorit, kualifikohet edhe Ferizaj

Kampioni në fuqi i Kosovës, Drita ka shënuar fitore me rezultat 5-3 ndaj Minatorit në kuadër të Kupës së Kosovës.

Gjilanasit kësisoj kanë kaluar çerekfinale të Kupës së Kosovës ku kanë për synim ta fitojnë atë.

Bujar Shabani shënoi dy herë për vendasit, ndërsa Arbër Shala, Haxhi Neziraj dhe Xhevdet Shabani realizuan nga një gol tjetër.

Për mysafirët shënuan Lorik Dobratiqi, Gentrit Bislimi dhe Flamur Gashi.

Fitore ka shënuar edhe Ferizaj në udhëtim tek Fushë Kosova 1-2.

Bardh e kaltërtit fitoren e arritën në pjesën e dytë falë golave nga Mirsad Idrizi dhe Qëndrim Dautaj.

Në anën tjetër golin e vetëm për vendasit e realizoi sulmuesi Adonis Breznica.