Kastriot Tusha publikon këngën “Më e mira e Prishtinës”

Këngëtari i njohur shqiptar, Kastriot Tusha, ka publikuar projektin e tij më të ri muzikor, të titulluar “Më e mira e Prishtinës”, të shoqëruar edhe me videoklip.

Kënga sjell një histori romantike për një vajzë që personazhi e takon vazhdimisht në të njëjtin vend, ku të dy pinë kafen, por ende nuk kanë arritur ta bëjnë hapin e parë drejt njëri-tjetrit.

Teksti dhe muzika janë realizuar nga Arsim Bunjaku, orkestrimi nga Duo Bass Studio, ndërsa videoklipi është realizuar nga A Films.

Me këtë projekt, Tusha i këndon Prishtinës përmes një historie dashurie, duke e vendosur në qendër figurën e një vajze që e cilëson si “më të mirën e Prishtinës”./Zëri