Një muaj pa Laurentin, Egzoni me fjalë prekëse: Kemi me t’kujtu të buzëqeshur

Ndjenja e dhimbjes dhe e mungesës vazhdon të jetë e freskët te rrethi shoqëror i të ndjerit Laurent Krasniqi. Sot bëhet saktësisht një muaj nga ndarja e tij nga jeta, një datë që ka prekur thellë miqtë dhe të afërmit.

Përmes një postimi në rrjetet sociale, Egzoni, miku i tij i ngushtë ka ndarë disa fotografi me Laurentin dhe miqtë e tyre, të shoqëruara me fjalë prekëse në kujtim të mikut të tyre të zemrës.

“Laurent, vëllai ynë, miku ynë i zemrës, sot u bë një muaj pa ty. Gjithmonë do të të kujtojmë kështu, të buzëqeshur, siç je në këtë fotografi. Allahu të mëshiroftë e na bashkoftë në Xhenet, inshallah. Do të mbetesh gjithmonë në zemrat tona, vëlla.”

Në imazhet e shpërndara, Laurenti shihet i rrethuar nga miqtë e tij më të afërt, me buzëqeshje në fytyrë, duke lënë pas kujtime të pashlyeshme te të gjithë ata që e njohën.

https://www.instagram.com/p/Dd_1nvhgLGP/?utm_source=ig_embed&ig_rid=AeXK-Kg9pWXwtDQLmzGqCky