Madonna shkruan histori në moshën 67-vjeçare, albumi “Confessions II” debuton në vendin e parë në Billboard 200

Madonna ka arritur një tjetër sukses historik në karrierën e saj. Në moshën 67-vjeçare, albumi i saj më i ri, “Confessions II”, ka debutuar në vendin e parë të klasifikimit Billboard 200, me mbi 134 mijë njësi ekuivalente albumesh të shitura gjatë javës së parë.

Ky është albumi i 10-të i artistes që arrin në krye të Billboard 200, duke zgjatur një karrierë dominuese në toplistat amerikane që shtrihet në më shumë se katër dekada.

“Confessions II” u rendit gjithashtu ndër albumet më të shitura në nivel global, falë shitjeve të forta dhe dëgjimeve në platformat e transmetimit në shumë vende të botës, shkruan KultPlus.

Albumi është pritur pozitivisht nga kritikët dhe publiku, të cilët kanë vlerësuar tingullin e tij modern dance-pop. Sipas shumë recensentëve, projekti sjell një kombinim mes stilit që e bëri Madonnën ikonë të muzikës pop dhe elementeve bashkëkohore që e prezantojnë atë edhe te brezat e rinj të dëgjuesve.

Me këtë arritje, Madonna konfirmon edhe një herë statusin e saj si një nga artistet më të suksesshme dhe më me ndikim në historinë e muzikës pop ./kultplus