![Luiz Ejlli shpreh ngushëllime për vdekjen e Faton Hajrizit: Tani hero duhet t’i themi](/uploads/zeri.info/images/2024/July/24/auto_collage-5-6-780x4391721821604.jpg)
Luiz Ejlli shpreh ngushëllime për vdekjen e Faton Hajrizit: Tani hero duhet t’i themi
Faton Hajrizi u vra pak ditë më parë nga policia serbe, pas dyshimeve për vrasjen e një efektivi në Serbi.
Ai ka qenë në kërkim nga autoritetet serbe, pasi më 18 korrik është raportuar se e ka vrarë një zyrtar policor serb dhe e ka plagosur një tjetër, gjatë një kontrolli rutinor në Lloznicë të Serbisë, qytezë në afërsi me Bosnjë e Hercegovinën.
Për vdekjen e tij ka shprehur ngushëllime edhe artisti i njohur nga Shkodra dhe fituesi i Big Brother VIP Albania 2, Luiz Ejlli.
Ai u ka shprehur ngushëllime familjarëve dhe miqve, gjersa e ka cilësuar hero.
“Në radhë të parë dua t’u shpreh ngushëllime familjarëve të heroit - duhet të themi tani, të Faton Hajrizit, gjithashtu dhe miqve dhe dashamirëve të tij”, u shpreh ai.
I njëjti tutje theksoi: “Dhe me një shprehje të tijën dy duart përmbi kokë dhe kokën për atdhe, ju pres sonte të gjithëve në sheshin ‘Adem Jashari’ në Skënderaj. Mos mungoni”.
Luizi, siç tregon, do të performojë në ditën e sotme (e mërkurë) në Skënderaj. /Telegrafi