Performanca e Rita Orës me veshje kombëtare shfaqet në “billboard”-et e New Yorkut
Këngëtarja shqiptare me famë botërore, Rita Ora, ka publikuar këngët e fundit të mini-albumit te saj më të ri, “Bang”.
Ajo gjithashtu solli klipin e këngës, “ig” në bashkëpunim me David Guettan dhe Imanbek.
E veçanta e klipit qëndron në faktin se është një mini-film i xhiruar në objektet brutaliste të Bullgarisë, ku Ora shfaqet në një performancë të veçantë me veshje kombëtare shqiptare, të punuar nga Valdrin Sahiti.
Vet Rita në një nga intervistat e fundit ka thënë se e kishte me shumë qejf inkuadrimin e trashëgimisë kulturore në klipin e saj më të ri.
Kënga ka filluar të pëlqehet shumë në mbarë botën dhe aktualishte renditet si mini-albumi i pestë më i pëlqyer i momentit në botë.
Platformat e ndryshme muzikore si Spotofy, Apple Music dhe iTunes e kanë promovuar këngën e re të Ritës edhe në ‘billboard’-et më të mëdha të qyteteve me renome.
Motra e këngëtares shqiptare, Elena Ora, ka publikuara disa fotografi në InstaStory, ku janë shfaqur momente në ekranet gjigante të New Yorkut nga performanca e veçantë e Ritës me veshje kombëtare.
Ky ka qenë një promovim i madh jo vetëm për projektin e ri muzikor të artistes nga Kosova, por edhe promovimin e veshjeve tradicionale shqiptare. /Zëri