U mori para tre personave për termin të vizave të punës në Gjermani, pas tre vjetësh arrestohet kamenicasi

Një person është arrestuar në Kamenicë, nën dyshimin se ka kryer veprën penale “Mashtrim”, i cili ishte në kërkim nga Policia që nga tetori i vitit 2023, shkruan Zeri.info.

I njëjti dyshohet se i kishte mashtruar tre persona të tjerë dhe u kishte marrë nga 1 mijë e 200 euro, duke i gënjyer për termin për vizë pune në Gjermani.

Policia bën të ditur se i njëjti, me vendim të prokurorit, është dërguar në mbajtje.

Raporti i plotë i Policisë, pa ndërhyrje:

Mashtrim

Kamenicë, tetor 2023. Më 11.11.2026 është arrestuar i dyshuari mashkull kosovar, i cili kishte qenë në kërkim policor për shkak të dyshimit se në tetor 2023 u kishte marrë tre viktimave meshkuj kosovarë nga 1200 € duke i mashtruar se do t’u siguronte termin për viza pune në Gjermani. I dyshuari pas intervistimit, me vendim të prokurorit, është dërguar në mbajtje. /Zëri