Prokuroria deklarohet për vrasjen në Gjakovë

Një person është vrarë dhe një person tjetër është plagosur në orët e para të ditës së sotme në rrugën “Vëllezërit Frashëri” në Gjakovë.

Lidhur me rastin është deklaruar edhe Prokuroria e Gjakovës, përmes zëdhënësit Drin Domi.

Domi për Klankosova deklaroi se i dyshuari është identifikuar edhe gjendet në arrati.

“Është iniciuar rast për veprën penale ‘Vrasje e rëndë’. I dyshuari është identifikuar dhe është në arrati. Në vendin e ngjarjes ka dalë prokurori i Shtetit. Trupi i pajetë i viktimës është dërguar për obduksion në IML”, deklaroi ai.