Arrestohet ferizajasi që mbajti tri ditë të mbyllur të dashurën, e rrahu dhe e bëri për spital

Policia në Ferizaj ka arrestuar 29-vjeçarin, pasi i njëjti përveç që e kishte mbajtur të mbyllur në dhomën e tij tri ditë radhazi të dashurën së tij 30-vjeçare ai edhe kishte ushtruar dhunë mbi të, duke i shkaktuar kështu edhe lëndime trupore.

Sipas njoftimit të Policisë thuhet se ngjarja ka ndodhur sot, rreth orës 11:30 minuta në rrugën “ Enver Topalli” në Ferizaj, raporton Zeri.info.

“Policia Rajonale e Ferizajt ka pranuar një informacion se sot rreth orës 11:30 min në rrugën " Enver Topalli" në Ferizaj është një rast i dhunës në familje dhe lëndimit trupor. Në lidhje me këtë policia menjëherë i ka marr veprimet e nevojshme dhe ka dalë në vendin e ngjarjes”, thuhet në njoftimin e PK-së.

Tutje sipas njoftim të PK-së bëhet e ditur, se në rast janë kyçur Njësia e Dhunës në Familje, të cilët kanë arrestuar personin me inicialet A.SH (M/K) i moshës 29 vjeçar, i cili dy ditë më parë, shkak i një mosmarrëveshje i kishte shkaktuar lëndime trupore të dashurës së tij me inicilaet M.A ( F/K) e moshës 30 vjeçare dhe e kishte mbajtur të mbyllur për tri ditë radhazi në dhomën e shtëpisë.

“Viktima M.A kishte arritur ti njoftojë fqinjët e saj dhe këta më pas kishin lajmëruar policinë. Viktima, është dërguar për ndihmë mjekësore në Qendrën Emergjente në Ferizaj, ndërsa policia të dyshuarin e ka shoqëruar në stacionin e policisë në Ferizaj dhe pas intervistimit nga hetuesit policor, me vendim të Prokurorit nga Prokuroria Themelore në Ferizaj, i dyshuari A.SH është dërguar në mbajtje për 48 orë, për procedura të mëtejme hetimore”, thuhet në njoftimin e Policisë. /Zëri