Arrestohen dy persona në Komoran për të shtëna me armë zjarri

Arrestohen dy persona në Komoran për të shtëna me armë zjarri

Kronika June 25, 2022 - 10:14

Policia ka pranuar një informatë për disa të shtëna me armë zjarri në Komoran, ku ka arritur edhe ti arrestojë dy persona të dyshuar.

Sipas njoftimit të PK-së thuhet se ngjarja ka ndodhur më datën 24.06.2022 rreth orës 13:49 min në fshatin Komoran të Gllogocit, raporton Zeri.info.

“Është pranuar informata për të shtëna me armë zjarri. Njësitë policore në vendin e ngjarjes kanë gjetur dhe sekuestruar dy gëzhoja të armës së zjarrit. Në lidhje me rastin janë arrestuar dy të dyshuar meshkuj kosovarë. Gjatë kontrollit në shtëpitë e të dyshuarve janë gjetur dhe konfiskuar dy revole dhe 5 fishekë”m thuhet në njoftimin e Policisë.

Me urdhër të prokurorit të dyshuarit janë dërguar në mbajtje. /Zëri