Arrestohet një 64-vjeçar në Ferizaj pasi iu gjetën disa armë [foto]

Policia e Kosovës ka njoftuar se ka gjetur armë zjarri në rrugën rrugën "Mejdi Xhaferi" në Ferizaj.

Pas këtij aksioni të policisë është arrestuar një person i dyshuar me inicialet SH.J (M/K) i moshës 64-vjeçare, të cilit i janë gjetur 2 pushkë të gjata, 2 pistoleta, një bajonetë dhe sasi e municionit, të cilat më pas janë konfiskuar.

“I dyshuari, pasi është intervistuar nga hetuesit policor, me vendim të Prokurorit të Prokurorisë Themelore në Ferizaj, i njëjti është liruar për procedurë të mëtejme të rregullt hetimore”, thuhet në njoftim. /Zëri