Zbulohet i ftuari i radhës i Gjykatës Speciale
Kronika
December 12, 2018 - 09:45
Lexo lajmet e fundit nga vendi!
Ish-pjesëtari i Ushtrisë Çlirimtare të Kosovës, Safet Syla, është i ftuari i radhës për t’u intervistuar nga Gjykata Speciale.
Syla ka thënë se është ftuar të martën nga Gjykata Speciale për t’u intervistuar në cilësinë e dëshmitarit.
“Gjatë ditës së djeshme edhe sot më kanë ftuar nga Gjykata Speciale për t’u intervistuar në cilësinë e dëshmitarit hetues, ndërsa sot intervistimin e kam në orën 09:00”, ka thënë Syla për Insajderin.
Në këtë fundvit veçse kanë filluar të dalin emrat e parë të personave që janë ftuar nga Gjykata Speciale. Katër personat e parë që janë ftuar nga Gjykata Speciale për intervistim janë: Rrustem Mustafa, Sokol Dobruna, Nazif Mehmeti dhe Sami Lushtaku.
