Oda Ekonomike: Ndërprerja e energjisë po u shkakton dëme të mëdha bizneseve

Për katër orë një pjesë e qytetarëve në komunën e Prizrenit patën ndërprerje të Energjisë Elektrike.

Kjo sipas Operatorit të Sistemit ,Transmisionit  dhe Tregut (KOSTT) për shkak të punimeve që u bënë  në njërin nga nënstacionet.

Madje nga KOSTT ditë më parë  njoftuan se për shkak të mbingarkesës do të imponohet edhe ndërprerja e energjisë elektrike.

Këtë ndërprerje veç se kanë filluar ta kenë disa nga qytetet në vend.

E kjo gjë po shkakton dëme të mëdha bizneseve në vend.

“Po kemi pranuare ankesa, dje dhe sot kemi marrë ankesa të mëdha, ka pjesa e Dukagjinit por edhe nga pjesa e Anamoravës, bizneset janë shumë të shqetësuar pasi përkundër që janë  duke blerë me çmim shumë të lartë prapë nuk po kanë energji permanente dhe kjo po u shkakton shumë vështirësi  si në aspektin e menaxhimit të sasisë së prodhuar, sidomos tek prodhimi dhe në kuptim që po dëmtohen tek produkti që e kanë si pjesë e prodhimi që është në proces të prodhimit në momentin që ndalet energjia elektrike e tërë ajo lëndë shkon dëme që do të thotë është dëme material për biznesin”, ka thënë kryetari i Odës Ekonomike të Kosovës, Lulëzim Rafuna.

Madje sipas ekspertit të energjisë, Adhurim Haxhimusa,  gjitha këto po ndodhin për shkak të vjetërsisë së rrjetit të transmisionit dhe distribuimit të energjisë elektrike.

“Pse vijnë këto ndërprerje, këto janë edhe nëse kemi energji të mjaftueshme  në tregjet e Evropës, çka nuk mungon Energjia. Kosova edhe nëse e blen energjinë elektrike si rezultat i rrjetit të transmisionit  por edhe të distribucionit që është i vjetruar  por edhe ka shumë fyte të ngushta atëherë energjia edhe nëse ka më bollëk nuk mund të shkoj deri tek konsumatori fundor”, është shprehur Haxhimusa.

Madje sipas Haxhimusës investimet që janë bërë nuk ka qenë të mjaftueshme prandaj ai kërkon që të bëhen disa ndryshime.

“Në realitet duhet të krijohen korniza ligjore të cilat i mundësojnë  investime në rrjetin e distribucionit e tranasmensionit, digjitalizim më të madh të shërbimeve elektrike, kompanive që ofrojnë këto shërbime  integrim shumë të madh të konsumatorëve në sistemin elektroenergjetik, këto janë disa reforma që duhet të bëhen”, ka thënë ai.

Së fundmi,  Komuna e Rahovecit  dhe Malishevës  patën probleme me furnizim me energji elektrike për shkak të rënies së dy transformatorëve.