Taulant Xhaka e zbulon se çfarë i tha Granitit para ndeshjes kundër Serbisë

Vëllai i Granit Xhakës, Taulanti ka treguar se çfarë i ka thënë atij para ndeshjes me Serbinë.

Të premten, Zvicra do të përballet me Serbinë në ndeshjen vendimtare për kualifikim në 1/8 e finales së Botërorit.

Në lidhje me këtë, Taulant Xhaka ka folur në lidhje me ndeshjen e Zvicrës për mediumin e madh zviceran, Blick.

“Të jem i sinqertë, nuk u kënaqa me shortin për të gjitha emocionet, për të gjithë të kaluarën me Granitin. Por, kam folur me Granitin për këtë një kohë të gjatë, shumë gjatë. Unë i thashë: ‘Pavarësisht se çfarë ndodh në këtë lojë, nëse shënon ose fiton ose humbet – vetëm ruaj gjakftohtësinë dhe luaj lojën tënde.’ Në fund të fundit, nuk ka të bëjë me politikë, është një lojë futbolli”, zbuloi Xhaka.